په غزني ولایت کې د سرو زرو ۷ پلورنځي د غیر قانوني فعاليت له امله وتړل
د غزني ولایت د عدلیې رياست تر مشرۍ لاندې د دغه ولایت د مقام له لورې توظیف شوي نظارتي پلاوي د جمادیالأولی د میاشتې په ۲۷ مه نېټه د سهشنبې په ورځ د غزني د مرکز په کلاه سبز ساحه کې د زرګرۍ له یو شمېر پلورنځيو څخه نظارت ترسره کړ.
پلاوي د یاد نظارت پر مهال د طلا د عيار او د نقرې نرخونه او ځینې نور اړين موارد بررسي کړل چې په ترڅ کې ۷ پلورنځي د یو شمېر غير قانوني فعاليت له امله وتړل شول.
همدارنګه مؤظف پلاوي د پاتې نورو پلورنځيو په چارو او فعاليتونو کې یو شمېر ستونزې او نيمګړتياوې مشخصې کړې او د متصديانو ته یې د یادو ستونزو د لرې کولو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
