په سمنګان ولایت کې د څه باندې ۸۳ جریبه امارتي ځمکې تشخيص
د سمنګان ولایت د ځمکو له غصب څخه د مخنیوي تخنیکي هیئت ناسته د صفرالمظفر د مياشتې په ۱۹ مه نېټه د چهارشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د حضرت سلطان ولسوالۍ اړوند په آقچوقي ساحه کې د څه باندې اته اويا (۷۸) جریبه ځمکې او د دوآب ولسوالۍ اړوند په پودینهګک کلي کې د څه باندې پنځه (۵) جریبه ځمکې دوسیې تر بررسۍ لاندې ونيول شوې او په ترڅ کې یې یادې ځمکې امارتي تشخیص شوې.
هيئت پرېکړه وکړه چې د یادو ځمکو دوسیې دې د وروستنۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د سمنګان ولایت په بېلابېلو ساحو کې د غصب شویو ځمکو اړوند یو شمېر دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
