په سرپل ولایت کې څه باندې د ۱۹۰۰ جریبه امارتي ځمکې تثبیت او تشخیص
د سرپل ولایت د ځمکو د غصب د مخنیوي د تخنیکي هیئت ناسته د جمادي الاول میاشتې په ۲۱ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز د سرپل ولایت له تخنیکي هیئت څخه یو ټیم، د چهارشنبې په ورځ د مدعی بها ساحو د بررسۍ او تثبیت په منظور د یاد ولایت د سیدآباد ولسوالۍ خمرآباد سیمې ته سفر وکړ.
یاد هیئت په دغې ساحه کې د عامه څړځای کابو ۱۹۴۴ جریبه ۱۷ بسوې او ۸ بسواسې غصب شوې ځمکه بررسي کړه او مدعی بها ساحه یې تثبیت، کروکي او سکیچ کړه.
