په زرنج ښار کې له ۲۰۲ جریبه ځمکې څخه لیدنه او بررسي وشوه
د نیمروز ولایت د ځمکو د غصب د مخنیوي تخنیکي هیئت د ۱۴۴۴ هجري قمري کال د روژې د میاشت په ۱۹ نېټه د دوشنبې په ورځ د زرنج ښار په جنوب لویدیځ کې د کنګ دین محمد کلي ته ولاړ او له ۲۰۲ جریبه ځمکې څخه يې لیدنه او بررسي وشوه.
یاد هیئت اړوندو مسوولینو ته لارښوونه وکړه چې ژر تر ژره د تراکتور په واسطه یاده سیمه کې خط واچوي ترڅو د هغې د غصب مخنیوی وشي.
دغه راز یاد شوی هیئت د دغې ساحې اوسیدونکو ته لارښوونه وکړه؛ په هغه صورت کې چې پر دغې ځمکه د مالکیت ادعا ولري، له خپلو سندونو سره دغه هیئت ته حاضر شي.
