په دایکندي ولایت کې ۸۷ جریبه ځمکه امارتي تثبیت شوه
د دایکندي ولایت د ځمکو د غصب د مخنیوي د تخنیکي هیئت ناسته د ۱۴۴۵هجري قمري کال د محرم الحرام د میاشتې په ۲۹ نېټه د چهارشنبې په ورځ د دغه هیئت د رئیس او غړو په حضور سره جوړه شوه او په هغې کې د میرامور د معلمینو د ښارګوټي د ۸۷ جریبه ځمکې موضوع بحث لاندې ونیول شوه او د ښوونې د ریاست د ملکیت په عنوان تثبیت شوه او د هغې دوسیه د یاد شوي ملکیت د ساتنې په منظور د یاد ولایت د ښوونې ریاست ته واستول شوه.
په دغې ناسته کې، د ۱ جریبه ځمکې په تړاو د یو کس او د هغه د شریکانو دوسیه او د ۲۰ جریبه ځمکې په تړاو د تخنیکي او حسابدارۍ زده کړو د آمریت دوسیه بحث لاندې ونیول شوه او پریکړه وشوه چې یادې شوې دوسیې د وروستي تصمیم په غرض مرکزي کمېسیون ته واستول شي.
په دغې ناسته کې د یو لړ نور موضوعاتو په اړه هم بحث وشو او په اړه يې لازم تصمیمونه ونیول شول.
