په جوزجان ولایت کې د څهباندې ۲۰۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د جماديالثاني د مياشتې په ۶ مه نېټه، د یکشنبې په ورځ د دغه هیئت د رئیس او غړو په ګډون جوړه شوه.
د تخنیکي هيئت په دې ناسته کې د جوزجان ولایت د مرکز اړوند په ککرتک جر کلي او د جګدلک، کودی ساحه کې د دوهسوه دیارلس اعشاریه دوه (۲۱۳،۲) جریبه ځمکې په اړه بحث اوخبرې وشوې.
تخنیکی هیئت د یادو ځمکو په اړه پرېکړه وکړه چې، د هغو دوسیې دې بشپړې او مرکزي کمېسیون ته دې واستول شي.
همدارنګه په یاده ناسته کې د جوزجان ولایت په بېلابېلو برخو کې د ځمکو د غصب اړوند یو شمېر نورې دوسیې بررسي شوې او په اړه یې لازم تصامیم ونیول شول.
