په بلخ ولایت کې څه دپاسه د ۴۹۰۰ جریبه ځمکو اړوند د دوسیو بررسي
![.](/sites/default/files/2023-08/blkh1.jpg)
د بلخ ولایت د ځمکو د غصب د مخنیوي د تخنیکي هیئت ناسته د صفرالمظفر د میاشتې په ۱۱ نېټه د دوشنبې په ورځ د دغه هیئت د رئیس او غړو په حضور سره جوړه شوه او په دغه ولایت کې د ۴۹۱۲ جریبه ځمکو دوسیې په کې بحث او بررسۍ لاندې ونیول شوې.
په دغې ناسته کې، د بلخ ولسوالۍ د نوارد بوکه کلي د ۱۸۰۰ جریبه ځمکې راپور وړاندې شو. د همدرد پروژې د ځمکې په اړه هم پریکړه وشوه چې یو فني ټیم د یادې پروژې د ۲۹۱۲ جریبه ځمکې د بررسۍ او کروکي اخیستلو په منظور ساحې ته روان شي.
په همدې توګه په دغې ناسته کې د شمال د سکرو ډبرو دولتي شرکت غصب شوي جایداد، پلاني او غیرپلاني ساحو کې د مزارشریف د ښاروالۍ د پراختیايي پلانونو تطبیق، د کود او برق استوګنې ساحې، په دغه ولایت کې د یو شخص د جایدادونو د بررسۍ، د امرخ استوګنې پروژې د ۲۰۰ جریبه ځمکې او د یو شمېر عریضو په اړه بحث او د نظر تبادله ترسره شوه او په دغې برخه کې لازم تصمیمونه ونیول شول.