په بلخ ولایت کې د نږدې ۷۰۰ جریبه ځمکې بررسي
د بلخ ولایت د ځمکو له غصب څخه د مخنیوي تخنیکي هیئت ناسته د ربیعالثاني د میاشتې په ۱۳ نېټه د یاد هیئت د رئیس او غړو په ګډون ترسره شوه.
د تخنیکي هیئت په دې ناسته کې د مزارشریف ښار په نهمه ناحیه کې د اویا (۷۰) جریبه ځمکې، په دشت شادیان کې د دوهسوه او پنځوس (۲۵۰) جریبه ځمکې، د کرنې څېړنیز فارم د درېسوه درې اویا (۳۷۳) جریبه ځمکې او د بلخ ولایت په نهرشاهي ولسوالۍ کې د پنځه (۵) جریبه ځمکې دوسیې بررسي شوې.
تخنیکي هیئت د یادو دوسیو په بررسۍ سره د هغو په هکله لازم تصامیم ونیول او دغه راز د بلخ په بېلابېلو برخو کې یې د ځمکو اړوند یو لړ نورو موضوعاتو په اړه لازمې لارښوونې وکړې.
