په بغلان ولايت کې د معاملاتو لارښوونې له ۱۵ دفترونه څخه نظارت ترسره شو
د بغلان ولایت د عدلیې ریاست نظارتي پلاوي د ذیالحجې د میاشتې په ۲۴مه نېټه د شنبې په ورځ، د یاد ولایت په مرکز، پلخمری ښار کې د معاملاتو لارښوونې له ۱۵ دفترونو څخه نظارت ترسره کړ او د هغو فعالیتونه یې بررسي کړل.
د نظارتي پلاوي د دغه نظارت او بررسۍ په ترڅ کې، د معاملاتو لارښوونې درې دفترونه د سرغړونو له امله وتړل شول او د نورو دفترونو متصدیانو ته د کاري چارو ښه پرمخ وړلو اود مالیاتو د تصفیې په موخه لازمې توصیې وړاندې شوې.
د بغلان ولایت د عدلیې ریاست په دغه ولایت کې د معاملاتو لارښوونې له ټولو فعالو دفترونو څخه نظارت ترسره کوي تر څو د غير قانوني فعاليتونو مخه ونيول شي.
