په باميان ولايت کې د معاملاتو لارښوونې له ۹ دفترونو څخه نظارت ترسره شو
د باميان ولایت د عدلیې ریاست نظارتي پلاوي، د روژې د میاشتې په ۱۸ مه نېټه د سهشنبې په ورځ په یاد ولایت کې، د معاملاتو لارښوونې له ۹ دفترونو څخه نظارت ترسره کړ او د هغو فعالیتونه یې بررسي کړل.
مؤظف پلاوي د دغه نظارت په ترڅ کې دفترونه، جوازلیکونه، د ثبت کتابونه، رسمي سټې او د یادو معاملاتو لارښوونې د دفترونو نور سندونه بررسي کړل.
نظارتي پلاوي د معاملاتو لارښوونې د دوو دفترونو پخوانۍ سپينې سټې لغوه کړې او متصديانو ته یې له نويو سټو څخه د ګټه اخیستنې او د نورو شته نيمګړتياو د اصلاح او د کاري چارو ښه پرمخ وړلو په موخه لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
