په بادغیس ولایت کې ۳۰ جریبه امارتي ځمکه استرداد شوه
د بادغیس ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د صفرالمظفر د میاشتې په ۴ نېټه د دوشنبې په ورځ د دغه هیئت د رئیس او غړو په حضور سره جوړه شوه او په هغې کې د یو شخص له خوا د بند میده قل په پسته زار ساحې کې د عامه څړځای د ۳۰ جریبه ځمکې د غصب په اړه د یو بل شخص عریضه، بحث او بررسۍ لاندې ونیول شوه.
د یادې ساحې متصرف هیڅ ډول شرعي سند نه درلود او د هغې په عامه توب یې اعتراف وکړ. تخنیکي هیئت یاده شوې ځمکه اړوندې ادارې ته استرداد کړه. دغه راز یاد هیئت له یو شمېر نورو اشخاصو څخه د هغوی اړوند دوسیې په تړاو شرعي سندونه او مدارک وغوښتل.
