په بادغیس ولایت کې د عامه څړځای څه باندې ۶۶۰۰۰جریبه ځمکه تثبیت او تشخیص شوه
د بادغیس ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۱۸ نېټه د دوشنبې په ورځ د دغه هیئت د رئیس او غړو په حضور سره جوړه شوه.
په یاده ناسته کې، د ځمکو د غصب اړوند یو شمېر دوسیې او د مراجعینو په واسطې یو شمېر وړاندې شوې عریضې، سندونه او مدارک بحث او بررسۍ لاندې ونیول شوو او په هکله یې لازم تصامیم ونیول شول.
په یاده ناسته کې، موظف هیئت د قادس او دره بوم ولسوالۍ پولې ترمنځ د عامه څړځای د دوه یمې حصې په ساحه کې د خپل د فعالیت راپور وړاندې کړ.
یاد هیئت د یاد راپور په بررسۍ سره په دې ساحه کې ۶۶ زره او ۵۶۴.۶۴ جریبه ځمکه تثبیت او تشخیص کړه. دغه راز یاد هیئت د دغې ساحې د یو تن اوسیدونکي په سند کې ۸۹ زره او ۹۶۰.۶۶ جریبه شامله ځمکه هم تثبیت او تفکیک کړه.
