په ارزګان ولایت کې د ۱۱۰۰۰ جریبه امارتي ځمکې تثبیت او تشخیص
د ارزګان ولایت د ځمکو د غصب د مخنیوي تخنیکي هیئت د ربیع الثاني د میاشتې په ۲۸ نېټې د یکشنبې په ورځ د یاد ولایت د چوري ولسوالۍ د کوتل د کاریز ساحې ته سفر وکړ او د ساحې په لیدنې او بررسۍ سره یې، کابو ۱۱ زره جریبه امارتي ځمکه په دغې ساحې کې تثبیت او تشخیص کړه.
یاد هیئت د بررسۍ په ترڅ کې، ۵۲۱ جریبه ځمکه چې ځايي خلکو د هغې د مالیې ورکونې سندونه درلودل، جلا کړه او کابو ۱۱ زره جریبه نوره امارتي ځمکه یې تثبیت او تشخیص کړه. ټاکل شوې ده یاده ځمکه د کرنې ریاست ته وسپارل شي.
دغه راز یاد هیئت د یادې ولسوالۍ د کوتل د کاریز په شمال کې د خلیلي کاریز په ساحې کې زرګونه جریبه نوره ځمکه بررسۍ لاندې ونیوله.
