پنجشیر ولایت کې څه دپاسه ۳ جریبه غصب شوې ځمکه تثبیت شوه
د پنجشیر ولایت د ځمکو د غصب د مخنیوي تخنیکي هیئت د صفرالمظفر د میاشتې په ۱۷ نېټې د یکشنبې په ورځ د یاد ولایت عنابې ولسوالۍ ته ولاړ او د غصب شویو ځمکو د تشخیص او تثبیت په برخه کې لازم اقدامات ترسره کړل.
یاد هیئت لومړی د دغې ولسوالۍ له ولسوال او سیمه ییزو مسؤلینو سره وکتل او په ولایتونو کې د ځمکو د غصب د مخنیوي د تخنیکي هیئتونو له رامنځته کیدلو او له دغه هیئتونو سره د امارتي ادارو د مسؤلینو د همکارۍ په اړه هغوی ته معلومات وړاندې کړل.
وروسته تخنیکي هیئت د عنابې ولسوالۍ د دشتک ساحې ته ولاړ او د ساحې په سکیچ سره یې، ۳ جریبه او ۴ بسوې ځمکه په دغې ساحې کې غصبي تثبیت کړه.
