پنجشیر ولایت کې څه باندې ۱۰۸۰۰ متر مربع ځمکه امارتي تثبیت شوه
د پنجشیر ولایت د ځمکو د غصب د مخنیوي تخنیکي هیئت د شوال میاشت په ۲۴ نېټه د یکشنبې په ورځ د دغه ولایت عنابې ولسوالۍ ته سفر وکړ او د امارتی ځمکو د تثبیت او استرداد په برخه کې عملي اقدامات ترسره کړل.
دغه هیئت د عنابې له ولسوال سره خبرې وکړې او وروسته عنابې کلي ته ولاړ. یاد شوي هیئت په دغه کلي کې د ټاکل شوې ساحې د بررسۍ په ترڅ کې ۱۰۸۴۳.۵ متر مربع ځمکه امارتي تثبیت کړه او غاصبینو ته يې لارښوونه وکړه چې خپل شرعي سندونه دغه هیئت ته وړاندې کړي.
