پروان ولایت کې کابو ۷۶۷۰ جریبه امارتي ځمکه تثبیت شوه
د پروان ولایت د ځمکو د غصب د مخنیوي تخنیکي هیئت د رجب المرجب د میاشتې په ۱۹ نېټه د چهارشنبې په ورځ کوه صافي ولسوالۍ ته په سفر او د څو ټوټو ځمکو په بررسۍ سره د عامه څړځای څه باندې ۷۶۶۷ جریبه ځمکه په کې تثبیت او تشخیص کړه.
یاد هیئت د کوه صافي ولسوالۍ للمي دښتې بررسي کړې او د یاد شوي عامه څړځای ځمکه یې په کې تثبیت او تشخیص کړه. هیئت د یادې ځمکې له متصرفینو څخه سندونه او مدارک هم وغوښتل.
هیئت په کوه صافي ولسوالۍ کې د ۵ جریبه نورې ځمکې له غصب څخه هم مخنیوی وکړ او د کوه صافي ولسوال هم له تخنیکي هیئت سره د هر راز همکارۍ ډاډ ورکړ.
