پروان ولایت کې څه دپاسه ۵۰ جریبه ځمکه استرداد شوه
د پروان ولایت د ځمکو د غصب د مخنیوي تخنیکي هیئت د بګرام ولسوالۍ په خم کلان ساحه کې دوو کلیو ته ولاړ او د ځمکو د غصب د مخنیوي او د غصب شویو ساحو د استرداد په برخه کې عملي اقدامات ترسره کړل.
یاد شوي هیئت ددغې ساحې د ۸۳ تنو غاصبینو پر کورونو او کرنیزو ځمکو خپل بررسي ترسره کړه او ددغې بررسۍ په ترڅ کې ۳۸۳.۶۸۹ جریبه ځمکه امارتي تشخیص او تثبیت کړه.
دغه راز یاد هیئت، ۵۰.۹۳ جریبه غصب شوې ځمکه له دریو غاصبینو څخه استرداد کړه او په همدې توګه ددغې ساحې د تصفیه په منظور يې د غاصبینو جدول ترتیب کړ.
