پروان ولایت کې څه دپاسه ۱۶۹۰۰ جریبه د عامه څړځای ځمکه تثبیت او تشخیص شوه
د پروان ولایت د ځمکو د غصب د مخنیوي د تخنیکي هیئت رئیس او غړو د ربیع الثاني د میاشتې په ۱۶ نېټې د سه شنبې په ورځ د یاد ولایت د بګرام ولسوالۍ باریک آب ساحې ته ولاړ او د کادستر ۷۱۱ او ۷۱۲ ټوټې ولیدلې او بررسي کړې.
د یادې بررسۍ په پایله کې دغه هیئت د عامه څړځای ۱۶ زره او ۹۳۳.۳۵ جریبه ځمکه تثبیت او تشخیص کړه او د هغې له متصرفینو څخه د یادې ځمکې د ملکیت د سندونو، ډول، کیفیت، بیې او د ذوالیدي مودې په تړاو معلوماتو وغوښتل.
