پروان ولایت کي څه باندې ۶۸ جریبه ځمکه تثبیت او تشخیص شوه
د پروان ولایت د ځمکو د غصب د مخنیوي تخنیکي هیئت، د شوال میاشت په ۲۰ نېټه د چهارشنبې په ورځ د بګرام ولسوالۍ د خم کلان دوه یمې برخې اړوند قورخچي او خاناقا ساحو ته ولاړ او د ځمکو د غصب د مخنیوي په برخه کې عملي اقدامات یې ترسره کړل.
یاد شوي هیئت پر ۱۸۵۲ کادستري قطعې د غاصبینو کورونه او کرنیزې ځمکې بررسي کړې او د دغې قطعې پولې یې مشخصې کړې. د دغې بررسۍ په پایله کې ۶۸.۲۳ جریبه ځمکه تثبیت او تشخیص شوه.
دغه راز دغه هیئت د یادو غاصبینو جدول هم د دغې ساحې د تصفیې په منظور جوړ او بشپړ کړ.
