ټاکل شوې ده ډېر ژر په عدلیې وزارت کې د نیالګیو کېنولو پروګرام پیل شي
د افغانستان اسلامي امارت د عدلیې وزارت په پام کې لري څو د دې وزارت اړوندې ساحې سمسورې او نیالګي په کې کېنوي.
د ۱۴۰۰ کال د کب په ۷ مه د شنبې په ورځ، د افغانستان اسلامي امارت د عدلیې وزارت سرپرست شیخ الحدیث مولوي صاحب عبدالحکیم شرعي، د یوه ساختماني شرکت له انجینرانو او مسلکي کارکوونکو سره وکتل او په عدلیې وزارت کې د سمسورتیا او نیالګیو کېنولو د پروګرام په هکله ورسره خبرې اترې وکړې.
د عدلیې وزارت سرپرست په دې برخه کې هغوی ته لازمې سپارښتنې وکړې او له هغوی څخه یې وغوښتل تر څو ټاکل شوې ساحې آوارې او د سمسورتیا او نیالګیو کېنولو لپاره یې چمتو کړي. ټاکل شوې ده په تعین شوې ساحه کې میوه لرونکي نیالګي او ښکلا لرونکي بوټي کېنول شي. او په همدې منظور د کرنې وزارت ته لیک استول شوی څو میوه لرونکي نیالګي او زینتي بوټي عدلیې وزارت ته په واک کې ورکړي.
