نیمروز ولایت کې ۱۵ جریبه امارتي ځمکه تثبیت شوه
د نیمروز ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام میاشتې په ۷ نېټه د دوشنبې په ورځ د دغه هیئت د رئیس اوغړو په حضور سره جوړه شوه او د دغه هیئت مالي او خریدارۍ کميټه په کې جوړه شوه.
دغه راز د کار او ټولنیزو چارو د رئیس په مشرۍ د تخنیکي هیئت یوه کمېټه د زرنج ښار په لویدیځ کې خوابګاه کلي ته ولاړه او د املاکي دفترونو او کادستري نقشو په پام کې نیولو سره د جي پي اس په دستګاه ۱۵ جریبه امارتي ځمکه تثبیت او تفکیک کړه او خط اندازې کړه.
یاد هیئت هغه اشخاص چې تثبیت شوې محدوده کې تصرفات درلودل، د هغوی سندونو بررسۍ په غرض د یاد ولایت د کرنې او اوبو لګولو ریاست ته وبلل.
