له بریالیو کاندیدانو څخه ۱۲ تنه د عدلیې په وزارت کې جذب شول
د افغانستان اسلامي امارت د عدلیې وزارت د بشري سرچینو ریاست تېره اوونۍ د دې وزارت د اومې او اتمې رتبې د تشو بستونو آزموېنه چې پخوا اعلام شوي وو، واخیستله.
په دې آزموېنه کې له غوښتونکو څخه ۴۲ تنو ګډون کړی و چې له دې جملې څخه ۱۲ تنه یې په آزموېنه کې بریالي شوي او ۱۹ تنه نور یې په ریزرف لیست کې شامل شوي دي.
د عدليې وزرات د بشري سرچینو ریاست دغه راز تېره اوونۍ د پلان جوړونې او د ادارې په انسجام کې د هغې اهمیت تر عنوان لاندې یوه زده کړه ېیزه برنامه جوړه کړه چې په هغې کې د دې وزارت د مرکزي ریاستونو له کارکوونکو څخه 31 تنو ګډون وکړ.
