فراه ولایت کې ۳۰۷۶ جریبه ځمکه عامه مرعی تشخیص او تثبیت شوه
د فراه ولایت د ځمکې د غصب د مخنیوي تخنیکي هیئت ددغه ولایت په مرکز کې غلامان سیمې ته ولاړ او ۳۰۷۶ جریبه ځمکه یې عامه مرعی تشخیص او تثبیت کړه. چې ددغې ځمکې یوه اندازه کرنیزه او یو اندازه یې د متصرفینو لخوا آباده شوې ده.
یاد شوي هیئت ددغې سیمې افرادو او اشخاصو ته یاده سیمه کې د ودانییزو کارونو او له جوړولو څخه د ډډې کولو په اړه جدې لارښوونې صادر کړې.
په همدې حال کې، د لوګر ولایت د تخنیکي هیئت ناسته ددغه هیئت د رییس او غړو په حضور سره جوړه شو او د هیئت تېر اجراآت او فعالیتونه پکې بررسي شول.
دغې ناسته کې، موظف ټیم د هوني سفلا سیمې څخه خپل راپور وړاندې کړ. دغه راز د یو شخص د موضوع په اړه معلومات چې مرکزي کمېسیون غوښتلي وو جوړ شوو او کمېسیون ته به واستول شي.
