سمنګان ولایت کې ۲۳۶ جریبه ځمکه بررسي شوه
د سمنګان ولایت د ځمکې د غصب د مخنیوي کمېسیون تخنیکي هیئت ددغه ولایت مرکز کې د آقمزار له سیمې څخه لیدنه وکړه.
پایله کې ۵ قطعې ځمکه د ۲۳۶ جریبه مساحت سره په دغې سیمه کې بررسي شوه او مشخصه شوه چې ۸۰ سلنه د هستوګنې کورونه د بلند آبه امارتي تپو کې، امارتي دي.
یادو امارتي سیمو کې کلونه مخکې د زورواکو افرادو او اشخاصو له لوري په غیر قانوني ډول د هستوګنې نمرې ویشل شوي دي او د هغو پر ځینو نورو برخو د افرادو او اشخاصو لخوا پخپلسر کورونه جوړ شوي دي.
په همدې حال کې، د دایکندي ولایت تخنیکي هیئت له هغه افرادو او اشخاصو سره چې د نيلي ښار د ښاروالۍ د ماسټر پلان سیمو داخل کې د هغوی کرنیزې ځمکې، باغي ونې او د اوبو چینې موقعیت لري، خبرې وکړې. یادو اشخاصو خپلې ستونزې له هیئت سره شریکې کړې.
دغې سیمه کې د اوبو د چینو او د کرنیزو ځمکو مالکانو ته لارښوونه وشوه چې خپل شرعي او قانوني وکیل په محکمې کې وټاکي.
دغه راز د نیلي ښار د ښاروالۍ ماسټر پلان داخل سیمو کې د کرنیزو ځمکو او د اوبو د چینو ټولو مالکانو ته لارښوونه وشوه ترڅو خپل د ماليې ورکوونې او شرعي او قانوني سندونه تخنیکي هیئت ته وړاندې کړې ترڅو لازم تصمیم ونیول شي.
پر دې سربېره، د بادغیس ولایت د ځمکې د غصب د مخنیوي د تخنیکي هیئت ناسته ددغه هيئت د رییس او غړو په حضور سره جوړه شوه او د امارتي غصب شوو ځمکو، د ځنګلونو سیمو او د څړځایونو سیمو په اړه بحث او د نظر تبادله وشوه.
په دغې ناسته کې پریکړه وشوه چې د تخنیکي هيئت لخوا دولتي ادارو ته د هغو د سندونو راټولولو په منظور چې د یادې ادارې او د خلکو ترمنځ د مالکیت تر ادعا لاندې وي، لیک صادر شي.
