د کنړ ولایت د یو شمېر عریضه لیکونکو له فعالیت څخه بررسي او نظارت
د کنړ ولایت د عدلیې ریاست د انسجام لوی مدیریت، د ربیع الاول د مياشتې په ۱۴ مه نېټه د سه شنبې په ورځ د یاد ولایت د مرکز په اسعداباد ښار کې د یو شمېر عریضه ليکونکو څخه نظارت او د هغوی فعاليتونو بررسي کړل
د دغه نظارت په ترڅ کې د عریضه ليکونکو د فعالیت له څرنګوالي څخه بررسي ترسره شوه او هغوی ته توصیه وشوه چې له خلکو سره ښه چلند ولري او د زیاتو پیسو له اخیستلو څخه ډډه وکړي. دغه راز هغوی ته له رسمي عریضو څخه د استفادې او دعریضې لیکلو د ډول او د نورو مواردو په اړه لازمې لارښوونې وشوې.
د عدلیې وزارت په دوامداره توګه په هېواد کې د ټولو عریضه ليکونکو فعالیتونه نظارت او بررسي کوي تر څو د غير قانوني فعالیتونو مخنيوی وکړي.
