د کنړ ولایت د ځمکو د غصب د مخینوي د تخنیکي هیئت ناسته جوړه شوه
د کنړ ولایت د ځمکو د غصب د مخنیوي د تخنیکي هیئت ناسته د شوال میاشت په ۱۳ نېټه د چهارشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې ځینې عریضې بررسي شوې او د شماش د خلکو د عریضې په اړه پریکړه وشوه چې د حوادثو له رئیس څخه د ویشل شویو کورونو په اړه معلومات وغوښتل شي او دغه راز د لچیګلی د ساحې د ۸۴۶ قطعې بررسۍ له پاره دوه ټیمونه توظیف شول.
وروسته یاد هیئت د دغه ولایت د ولسوالیو د ملکیتونو له مدیرانو سره وکتل او هغوی ته یې د ځمکو د غصب د مخنیوي په برخه کې لازمې لارښوونې وکړې. د ډنډونو د ساحې په اړه هم پریکړه وشوه چې متصرفین یې وغوښتل شي او هغوی ته لازمې لارښوونې وشي.
