د کنړ ولایت د ځمکو د غصب د مخنیوي د تخنیکي هیئت د ناستې جوړیدل
د کنړ ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۳ نېټه د سه شنبې په ورځ د هیئت د رئیس او غړو په حضور سره جوړه شوه او ځینې دوسیې په کې بحث او بررسۍ لاندې ونیول شوې.
په دغې ناسته کې د مرکز اړوند ډنډونو ساحې دوسیه بررسي شوه او پریکړه وشوه چې د هیئت یو مسلکي ټیم مدعی بها ساحې څخه لیدنه او بررسي ترسره کړي چې درې کادسترې قطعې په کې شاملې دي.
د بهر آباد لیسې دوسیه هم بررسي شوه او پریکړه وشوه چې یاده دوسیه د امارت قضایاو ادارې تحویل کړل شي.
په ورته مهال کې د بېرته راستنیدونکو د چارو وزارت د ښارګوټو په اړه د مرکزي کمېسیون دوسیه بررسي شوه او پریکړه وشوه چې د ښار او کور جوړولو وزارت څخه معلومات وغوښتل شي او د بېرته راستنیدونکو د چارو ریاست استازی هم راتلونکې غونډې ته حاضر شي.
د یو شخص عریضه هم بحث لاندې ونیول شوه او یو ټیم موظف شو ترڅو ساحې څخه لیدنه او د نوموړي ځمکه له سندونه له مخې مشخصه کړي.
هیئت له غونډې څخه وروسته د کنړ والي خوا ته ولاړ او د هيئت د دندو او صلاحیتونو په اړه یې نوموړي ته معلومات وړاندې کړل. د کنړ والي د هیئت فعالیتونه وستایل او له یاد هیئت سره يې د همکارۍ ژمنه یې وکړه.
