د کنړ ولایت د عدلیې ریاست او استیناف محکمې ترمنځ د همغږۍ ناسته جوړیدل
د کنړ ولایت د عدلیې او استیناف محکمې ریاستونو د دواړو ریاستونو ترمنځ د همغږۍ او همکارۍ د لازیاتې پیاوړتیا په موخه د ربیع الثاني د میاشتې په ۱۹مه نېټه د سهشنبې په ورځ یوه ناسته جوړه کړه.
په دې ناسته کې د کنړ، عدلیې رئیس مولوي روح الله روحاني او د دغه ریاست نورو مسؤولینو او د یاد ولایت د استیناف محکمې رئیس حضور درلود.
په دې ناسته کې د کنړ ولایت د عدلیې رئیس په استیناف محکمه کې د امارت د قضایاوو اړوندو دوسیو د اداري پړاوونو تېرولو پر چټکتیا ټینګار وکړ او د استیناف محکمې رئیس او مسؤولینو په دې هکله ډاډ ورکړ.
دغه راز دواړو لورو د عامه او امارتي ملکیتونو د تثبیت په منظور دواړو ادارو ترمنځ د همغږۍ او همکارۍ پر لازیاتې پیاوړتیا ټینګار وکړ.
