د کنړ ولایت تخنیکي هیئت د یاد ولایت د مرکز اړوند لچیکلی ساحې څخه لیدنه وکړه
د کنړ ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د محرم الحرام د میاشتې په ۷ نېټه د دوشنبې په ورځ د امارتی ځمکو د تشخیص او تثبیت او له شخصي ځمکو سره د هغو د پولې او حد فاصل تعیین په منظور د یاد ولایت د مرکز لچیکلي ساحې ته ولاړ او له ساحې لیدنه او بررسي ترسره کړه.
دغه هیئت ۸۴۶ د کادستر امارتي ټوټه له ۸۱۸، ۸۱۹، ۸۲۰ او ۸۲۶ شخصي ټوټو څخه په مسلکي ډول جلا کړه او د امارتي او شخصي ملکیتونو ترمنځ یې پوله او حد فاصل مشخص او نښاني کړ.
دغه هیئت د ۸۴۶ کادستر ټوټې په داخل کې د ۷ جوړ شویو کورونو غاصبین، د غصب شویو ځمکو مساحت، کروکي، ډول، د ځمکې او د هغې د ودانیو بیې او د هغې حدود له تعیین شوي جدول سره سم، تشخیص او تفکیک کړل او د هغې د غاصبینو شهرت یې په کې درج کړ.
