د کندز ولایت د ځمکو د غصب د مخنیوي د تخنیکي هیئت ناسته جوړه شوه
د کندز ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۱۵ نېټه د یکشنبې په ورځ د دغه هیئت د سرپرست (د عدلیې رئیس) او غړو په حضور سره جوړه شوه او د لاله میدلان ساحې ۱۵ جریبه او ۱۴ بسوې ځمکې دوسیه چې وړاندې امارتي تثبیت او استرداد له پاره چمتو شوې وه، په کې بررسي شوه.
دغه راز په دغې ناسته کې د علي آباد ولسوالۍ پل خشتې ساحې ۳۱ جریبه ځمکې دوسیه او د یادې ولسوالۍ د قزل سای ساحې د ۱ جریبه او ۵ بسوې ځمکې دوسیه د دعوا د لورو او متصرفینو په حضور کې بررسي شوې.
یاد شوې ساحې له لکیل شوي اقرارلیک څخه وروسته، د هغې له متصرفینو څخه استرداد شوه او د اجارې ورکولو په اړه يې لازمې لارښوونې صادر شوې یوه بله دوسیه هم بررسي شوه او د ځینو نیمګړتیاو له کبله راتلونکې غونډې ته وځنډول شوه.
