د کاپیسا ولایت له یو شمېر عریضه لیکوونکو څخه د آزمینې اخیستل
د کاپیسا ولایت عدلیې ریاست د یاد ولایت له یو شمېر عریضه لیکوونکو څخه، هغوی ته د جواز وېشلو په منظور آزموینه واخیستله.
په دغې آزموینه کې چې د ذوالحجې د میاشتې په ۲۳ نېټه د سه شنبې په ورځ جوړه شوه، د عدليې رئیس او د یاد ولایت د استیناف محکمې او د ولایت د مقام استازو حضور درلود او یاده آزموینه په بشپړې روڼتیا سره واخیستل شوه.
د کاپیسا ولایت د عدليې رئیس قاري شکرالله احمد په دغې برنامه کې د روان نظام له قواعدو او مقرراتو څخه د مکلفیت او مطابعت پر اصل ټینګار وکړ او پورته مواردو ته پابندي د عریضه لیکوونکو له بنسټیزو دندو څخه وبلله. نوموړي وویل چې له سرغړونکو سره به قانوني چلند صورت ومومي.
په دغې آزموینه کې د ګډونکوونکو له مجموعې څخه د هغوی ۱۵ تنه بریالي شول چې د جواز ترلاسه کولو له پاره به اړوندې مرجع ته وروپېژندل شي.
