د کار موندنې خبرتیا
Publish Date
Closing Date
له پاکستان هیواد څخه راستانه شوو افغان مهاجرینو لپاره د کاري فرصت په موخه (۵۱) بستونو اعلانول
د عدلیې وزارت رهبري تصمیم لري، چې له پاکستان هیواد څخه راستانه شوو افغان مهاجرینو سره د خواخوږۍ او د افغانستان اسلامي امارت لوړو موخو ته د رسیدلو، د یوې سالمې ادارې رامنځته کولو او اصلاح، کار اهل کار ته سپارلو او د اسلامي امارت د عدليې وزارت د اړتیا وړ ژمنو انساني ځواک د جذب او استخدام او د کاري فرصت رامنځته کولو په موخه خپل (۵۱) دریم، څلورم، پنځم او شپږم رتبه مسلکي، تخصصي او اداري بستونه له ۱۴۰۲/۹/۶نېټې څخه تر ۱۴۰۲/۹/۱۷نېټې پورې د (۱۰) کاري ورځو لپاره اعلان ته وړاندې کوي.
بستونه: (۶،۵،۴،۳)
وزارت یا اداره: عدلیه
د پست موقعیت: کابل
شمیر: (۵۱) تنه
په شرایطو برابر غوښتونکي کولای شي د اعلان شوو بستونو د غوښتنلیک فورمه له دغه ځای او یا په حضوري ډول د عدلیې وزارت د بشري سرچینو له ریاست څخه ترلاسه کړي او د فورمې له ډکولو څخه وروسته د اړتیا وړ سندونو سره یوځای په ټاکل شوي وخت د ګمارنې آمریت ته وسپاري.