د کابل ښار د اوومې ناحيې په ریاست کې د همغږۍ او حقوقي پوهاوي ورکولو ناسته جوړول
![.](/sites/default/files/2023-08/msadyn.jpg)
د اسلامي امارت د عدليې وزارت د حقوقي مساعدتونو ریاست د ۱۴۴۵ هجري قمری کال د صفرالمظفر د میاشتې په ۴ نېټه د دوشنبې په ورځ د کابل ښار د ۷ ناحیې په ریاست کې د همغږۍ او د حقوقي پوهاوي وړاندې کولو ناسته جوړه کړه.
په دغې ناسته کې، د عدلیې وزارت د حقوقي مساعدتونو رئیس مولوي رحمت الله حقاني، د کابل ښار د اوومې ناحیې رئیس، مرستیالانو او د یادې ناحیې د ګذر وکیلانو برخه اخیستې وه.
په یادې ناسته کې، د حقوقي مساعدتونو رئیس د حقوقي مساعدتونو او د حقوقي عامه پوهاوي او د ټولنې حقوقي ننګونو د لري کولو په برخه کې د هغو د اهمیت په اړه خبرې وکړې، ویې ویل چې د افغانستان ملت زیات کمزوری او بې وزله دی او باید له هغوی سره مرستې او حقوقي مساعدت ترسره شي او دا د اسلامي امارت د مکلفیتونو له جملې څخه ده.
نوموړي وویل چې د عدلیې وزارت مصمم دی ترڅو د حقوقي مساعدتونو وړاندې کولو او د حقوقي پوهاوي ورکولو د برنامو جوړولو له لارې ګران ولس لپاره غوره خدمات وړاندې کړي او په همدې منظور یې له بېلابېلو ادارو سره ګڼ شمېر غونډې ترسره کړي او د دغو برنامو د تطبیق څرنګوالي او د ګذر د وکیلانو له لارې عام ولس ته د پیغام رسولو په اړه همغږي ترسره شي.
وروسته د یادې ناستې ګډونوالو ته د اسلامي شریعت له نظره د مخدره توکو او د هغو د زیانونو په اړه پوهاوی ورکړل شو او دغه راز د یادې ناحیې د ګذر د ټولو وکیلانو په استازیتوب د ګذر د وکیلانو یو تن د دغه راز برنامو جوړول وستایل او هغه یې خلکو لپاره یوه ستره معنوي مرسته وبلله.
په پای کې د یادې ناستې د برخه اخیستونکو پوښتنو او وړاندیزونه ته د عدلیې وزارت د حقوقي مساعدتونو د رئیس له لوري ځواب وړاندې شو.