د کابل ولایت له تخنیکي هیئت سره د ځمکو د غصب د مخنیوي کمېسیون د رئیس کتنه
د عدلیې وزارت سرپرست او د ځمکو د غصب د مخنیوي او د غصب شویو ځمکو د استرداد کمېسیون رئیس شیخ الحدیث مولوي عبدالحکیم شرعي د شوال میاشت په ۲۰ نېټه د چهارشنبې په ورځ د کابل ولایت د ځمکو د غصب د مخنیوي د تخنیکي هیئت له رئیس او غړو سره وکتل او خبرې یې ورسره وکړې.
په دغې ناسته کې چې د عدليې وزارت په مقر کې جوړه شوې وه، په کابل ولایت کې د امارتي ځمکو د غصب یو شمېر دوسیو ته د رسیدګۍ، د ستونزو هوارولو او د چارو د چټکتیا په اړه بحث او د نظر تبادله وشوه.
په دغې ناسته کې، د ځمکو د غصب د مخنیوي کمېسیون رئیس د کابل ولایت تخنیکي هیئت ته لارښوونه وکړه چې د خپلو کارونو په ترسره کولو کې له اخلاص او رښتینولۍ څخه کار واخلي او د دوسیو د رسیدګۍ چارې چټکې کړي.
