د ځمکې د غصب د مخنیوي او د غصب شوو ځمکو د استرداد کمېسیون غونډه جوړه شوه

hayat_admin
دوشنبه ۱۴۰۱/۱۱/۱۰ - ۱۰:۲۳

د ځمکې د غصب د مخنيوي او د غصب شوو ځمکو د استرداد کمېسيون ناسته د ۱۴۴۴ هجري قمري کال د رجب المرجب د مياشتې په ۷ نېټه د يکشنبې په ورځ د عدليې وزارت د سرپرست او ددغه کمېسيون د ریيس شیخ الحديث مولوي عبدالحکیم شرعي په مشرۍ د عدليې وزارت په مقر کې جوړه شوه.

په ياده ناسته کې د کرنې، اوبو لګولو او مالدارۍ وزارت سرپرست مولوي عطاء الله عمري، د کور او ښار جوړولو وزارت سرپرست مولوي حمدالله نعماني، د لوی څارنوالۍ سرپرست مولوي شمس الدين شريعتي، ملا عبدالولي څارنوال حاجي وارث، د چارو د ادارې لوي رييس شيخ الحديث مولوي نورالحق انور،د کابل ښاروال مولوي عبدالرشيد بلوچ‏ ،د سترې محکمې د دارالانشاء رييس مفتي عبدالرشيد،د اختصاصي محکمې ریيس او د يادې محکمې قاضي، مفتي او محرر‌، د امارت د قضاياو لوی رييس،  د ياد کميسيون سکرتر او نورو مسوولينو ګډون درلود.

په ياده ناسته کې د غصب شوو امارتي ځمکو د اجارې ورکوونې د لايحې، د کمېسيون د غونډو د کړنلارې، د کابل د ځينو ښارګوټو، ‏د بدخشان او بغلان ولايتونو اړوند د ځينو املاکو  په اړه بحث او خبرې وشوې، چې د کمېسيون لخوا د اړوندو موضوعاتو په تړاو لازمې پريکړې ونیول شوې.

دغه راز د کميسيون د ولايتي تخنيکي هيئتونو د ستونزو او ننګونو په اړه  بحث او خبرې وشوې او د ستونزو د حل په موخه يې لازم تصميمونه ونیول شول.

ياده ناسته په دعاء سره پای ته ورسېده

تازه خبرونه

چهارشنبه ۱۴۰۲/۱۲/۲ - ۱۰:۵۹
Background image

د کاپیسا د یو ښوونځي کې زده کوونکو لپاره د حقوقي پوهاوي ورکولو برنامه جوړول

د کاپیسا ولایت د عدلیې ریاست د یاد ولایت په مرکز کې د یو خصوصي ښوونځي ۶۰ تنو زده کوونکو لپاره حقوقي پوهاوی وړاندې کړ.

په دې برنامه کې چې د شعبان د میاشتې په ۹ نېټه د سه شنبې په ورځ. . .

سه‌شنبه ۱۴۰۲/۱۲/۱ - ۱۴:۸
Background image

پنجشیر کې څه باندې ۷ جریبه ځمکه وقفي تثبیت شوه

د پنجشیر ولایت د ځمکو د غصب د مخنیوي تخنیکي هیئت د یاد ولایت په عنابې ولسوالۍ کې ۷.۷ جریبه ځمکه وقفي تثبیت کړه.

یاد هیئت د شعبان د میاشتې په ۷ نېټه د یکشنبې په ورځ د پنجشیر ولایت عنابې. . .

سه‌شنبه ۱۴۰۲/۱۲/۱ - ۱۲:۰
Background image

په عدلیې وزارت کې د دفاع وکالت د ستاژ لومړي سمستر وروستۍ ازموینه اخیستل

د اسلامي امارت د عدلیې وزارت د دفاع وکالت د ستاژ دوه یم دور د لومړي سمستر وروستۍ ازموینه د یاد وزارت په مقر کې واخیسته.

په دې ازموینه کې چې د شعبان د میاشتې په ۹ نېټه د سه شنبې په ورځ. . .

BACK TO NEWS