د ځمکو د غصب د مخنیوي د مرکزي کمېسیون او د کابل ولایت د ځمکو د غصب د مخنیوي د تخنیکي هیئت د ګډې ناستې جوړیدل
د ځمکو د غصب د مخنیوي او د غصب شویو ځمکو د استرداد د مرکزي کمېسیون او د کابل ولایت د ځمکو د غصب د مخنیوي د تخنیکي هیئت ګډه ناسته د روژې میاشت په ۱۳ نېټه د سه شنبې په ورځ د عدليې وزارت د سرپرست او د کمېسیون رئیس شیخالحدیت مولوي عبدالحکیم شرعي په مشرۍ او د کمېسیون د غړو او د کابل د تخنیکي هیئت په ګډون جوړه شوه.
په دغې ناسته کې چې د کلام الله مجید د آیتونو په تلاوت سره پيل شوه د کمیسیون غړو هر یو د کرنې وزارت سرپرست مولوي عطاالله عمري، د کور او ښار جوړولو وزارت سرپرست مولوي حمدالله نعماني او لوی څارنوال مولوي شمس الدین شریعتي او د کابل ولایت د تخنیکي هیئت غړو حضور درلود.
په دغې ناسته کې د میرویس ښارګوټي د مالکانو سندونه او اړوند قبالې د کمېسیون او تخنیکي هیئت لخوا بررسي شوې. د ښارګوټي مالکانو هم کمېسیون ته د سندونو په تړاو اړین معلومات وړاندې کړل.
په یاده ناسته کې د عدليې وزارت د امارت د قضایاو لوی رئیس د حبیبالله ځاځي ښارګوټي د بررسۍ له پاره د موظف شوي هیئت راپور وړاندې کړ.
کمېسیون یو هیئت د امارت د قضایاو د لوی رئیس په سرپرستۍ موظف کړ ترڅو د چهارشنبې په ورځ میرویس ښاروګوټی یو ځل بیا له نږدې څخه بررسي کړي او خپل راپور یاد کمېسیون ته وړاندې کړي.
یو شمېر نور موضوعات هم په دغې ناسته کې بحث او بررسي لاندې ونیول شول او د هغو په تړاو لازم تصمیمونه ونیول شول.
