د پکتیکا ولایت د عدلیې رياست کارمندانو لپاره زده کړیيزه برنامه جوړېدل
د عدلیې وزارت د بشري رياست، د پکتيکا ولایت عدلیې رياست کارمندانو لپاره د (د امارت د قضایاو اداري او مسلکي زده کړې) تر سرليک لاندې شپږ ورځنۍ زده کړییزه برنامه د ياد رياست په مقر کې جوړه کړه.
در افتتاحیه این برنامه آموزشی که روز شنبه، ۲۰ صفرالمظفر در ریاست عدلیه پکتیکا برگزار شد، قاری شکرالله احمد، رییس عدلیه این ولایت، آموزگاران آمریت ارتقای ظرفیت ریاست منابع بشری وزارت عدلیه و دیگر مسوولین حضور داشتند.
د یادې زده کړه ییزې برنامې په پرانیسته کې چې د صفرالمظفر د مياشتې په ۲۰ مه نېټه د شنبې په ورځ د پکتیکا د عدلیې په ریاست کې جوړه شوه، د پکتيکا ولایت د عدلیې رئيس قاري شکر الله احمد، د عدلیې وزارت د بشري سرچینو ریاست د زده کړو او ظرفیت لوړولو آمریت ښوونکو او نورو مسئولینو ګډون درلود.
په دې زده کړه ییزه برنامه کې چې شپږو ورځو لپاره به دوام وکړي، د پکتيکا ولایت د عدلیې ریاست ۲۵ تنو مسلکي کارمندان به د امير المؤمنین حفظه الله تعالی د فرمانونو، د دفاعیې، راپور او مکتوب ليکنې او د اړیکو او مفاهمې مدیریت په اړه هر اړخيز معلومات ترلاسه کړي.
د عدلیې وزارت د بشري سرچينو ریاست د ظرفیت لوړونې آمریت د کارمندانو د ظرفیت لوړولو په موخه په دوامدراه توګه ورته برنامې جوړوي ترڅو خلکو ته د خدمتونو وړاندې کولو د لازیاتې پیاوړتیا سبب شي.
