د پکتیا ولایت له ځینو ساحو څخه د یاد ولایت د تخنیکي هیئت لیدنه
د پکتیا ولایت د ځمکو د غصب د مخنیوي تخنیکي هیئت د شوال میاشت په ۲۴ نېټه د یکشنبې په ورځ د دغه ولایت رباط او چوڼۍ ساحو ته ولاړ او هغه ځمکې چې ګمان کیږی امارتي دي بررسي کړې.
هیئت وړاندې د هغو ځمکو هر ډول مالکانه تصرف منع کړی وو چې د امارتي توب اټکل یې کېږي خو ځینو افرادو په دغې ساحه کې تصرفات پیل کړي وو.
تخنیکي هیئت په یادې شوې ساحه کې نوي جوړ شوي تاسیسات ویجاړ کړل او یو متصرف یې ونیو او اړونده ارګانونو ته يې معرفي کړ. یاد شوي هیئت د دغه متصرفینو تخنیکي او ودانیز وسایل هم ضبط کړل.
تخنیکي هیئت یو ځل بیا د یادو ساحو پر اوسیدونکو ټینګار وکړ چې له نویو تصرفاتو څخه ډډه وکړي.
