د پکتیا ولایت د ځمکو د غصب د مخنيوي د تخنيکي هیئت ناسته جوړیدل
د پکتیا ولایت د ځمکو د غصب د مخنيوي د تخنيکي هیئت ناسته د روژې مياشتې په ۹ نېټه د سه شنبې په ورځ د یاد هئيت د رئیس او غړو په ګډون سره جوړه شوه.
د تخنيکي هئيت په دې ناسته کې د پکتيا ولایت د عدلیې رئيس د یاد ولایت څمکنيو ولسوالۍ ته د سفر جزئيات د ځمکو د غصب د مخنیوي د تخنيکي هیئت سره شريک کړل.
په دې ناسته پريکړه وشوه چې د څمکنۍ ولسوالۍ اړوند د راغه، حصارک او سترګرامي ساحو سکېچونه د پکتیا ولایت امنيې قومنداني ته واستول شي تر څو په دغو ساحو کې د نويو تصرفاتو مخنیوی وشي.
همدارنګه په دې ناسته کې د ځمکو د غصب اړوند یو شمېر نور موضوعات هم تر بحث او بررسۍ لاندې ونيول شول.
