د پکتیا ولایت د علماوو شورا پلاوي د یاد ولایت له عدلیې ریاست څخه کتنه وکړه
د پکتیا ولایت د علماوو شورا پلاوي د جمادي الثاني د میاشتې په ۱۰ نېټه د یکشنبې په ورځ د یاد ولایت له عدلیې ریاست څخه لیدنه وکړه او د عدلیې له رئیس مولوي محمد رییس محمدي او د دغه ریاست له آمرینو او کارمندانو سره یې وکتل او خبرې ورسره وکړې.
په دغې ناسته کې چې د عدلیې ریاست په مقر کې ترسره شوه د پکتیا ولایت، عدلیې رئیس د یاد ولایت د علماوو شورا د پلاوي هرکلی وکړ او د یاد ریاست د کړنو، لاسته راوړنو او فعالیتونه په اړه یې هغوی ته معلومات ورکړل. دغه راز نوموړي د یاد ریاست ستونزې او ننګونې هم له هغوی سره شریکې کړې او هغو ته د رسیدګۍ غوښتونکی شو.
د پکتیا ولایت د علماوو د شورا پلاوي هم د دغې شورا د دندو او مسؤولیتونو په اړه معلومات ورکړل ویې ویل چې دغه شورا په دې ولایت کې د ټولو امارتي ادارو د بررسۍ او پلټنې او د اسلامي امارت له مقاماتو سره د هغو د ستونزو شریکولو مسؤولیت په غاړه لري.
د پکتیا ولایت د علماوو د شورا پلاوي د عدلیې ریاست له بېلابېلو برخو او فعالیتونو څخه لیدنه او نظارت ترسره کړ او د دغه ریاست د کارمندانو ستونزې یې واوریدې. هغوی ژمنه وکړه چې ستونزې یې د اسلامي امارت له مقاماتو سره شریکوي او د هغو د حل په برخه کې به هلې ځلې وکړي.
