د پکتیا ولایت د عدلیې ریاست د اداري ناستې جوړیدل
د پکتیا ولایت د عدلیې ریاست اداري ناسته، د ربیع الاول د میاشتې په ۱۵ نېټه د چهارشنبې په ورځ د پکتیا ولایت د عدلیې رئیس مولوي محمد رئیس محمدي په مشرۍ او د یاد ریاست د آمرینو او کارکوونکو په ګډون وشوه.
په دې ناسته کې د عدلیې رئيس د یاد ریاست کارکوونکو ته د خپلو مسؤولیتونو د ترسره کولو، له نبوي سنتو سره سم د خپل سیرت او صورت برابرولو، وخت او حاضرۍ ته د پابندي کولو، په وخت د چارو د اجرا، د اخلاص درلودلو، د کارکوونکو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې د یاد ریاست آمرينو او کارکوونکو هم د کاري چارو پر مخ وړلو په موخه خپل وړاندیزونه مطرح کړل او په دې هکله لازم تصامیم ونیول شول.
