د پکتیا ولایت د عدلیې ریاست اداري ناسته جوړیدل
د پکتیا ولایت د عدلیې ریاست اداري ناسته، د جمادی الألی د مياشتې په ۱۹ مه نېټه د پنجشنبې په ورځ د عدلیې رئیس مولوي فاتح الله فاتح او د دغه ریاست د آمرینو او کارکوونکو په ګډون جوړه شوه.
په دې ناسته کې، د پکتیا ولایت د عدلیې رئیس د یاد ریاست کارکوونکو ته د خپلو مسؤولیتونو د ترسره کولو، له نبوي سنتو سره سم د خپل سیرت او صورت برابرولو، وخت او حاضرۍ ته په پابندي کولو، په جماعت سره د لمانځه د ادا کولو، د اخلاص درلودلو، د کارکوونکو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
همدارنګه په دې ناسته کې د عدلیې رياست آمرينو او کارکوونکو هم خپلې شته ستونزې او د کاري چارو ښه پرمخ وړلو په موخه وړانديزونه مطرح کړل.
