د پکتیا ولایت د عدلیې رئيس د زرمت ولسوالۍ له مسؤولينو سره وکتل

د پکتیا ولايت د عدلیې رئيس مولوي فاتح الله فاتح او له هغه سره مل پلاوي د جمادي الثاني د مياشتې په ۱۳ مه نېټه د یکشنبې په ورځ، د یاد ولایت زرمت ولسوالۍ ته سفر وکړ او د یادې ولسوالۍ له ولسوال او سیمه ییزو مسؤولينو سره یې وکتل.
د دغې ليدنې په ترڅ کې د عدلیې رئيس د یو شمېر موضوعاتو په اړه خبرې وکړې او د ځمکو له غصب څخه د مخنيوي په برخه کې یې په لا زیاتې همغږۍ ټينګار وکړ.
نوموړي د امارت د قضایاو د مدیریتونو، د حقوقي مساعدینو، مدافع وکیلانو، خیریه بنسټونو، د معاملاتو لارښوونې او عریضه لیکونکو په برخو کې ستونزې د زرمت ولسوالۍ له ولسوال او سیمه ییزو مسؤولینو سره شریکې کړې چې هغوی د دغو ستونزو د حل کولو  ډاډ ورکړ.
د پکتیا ولایت د عدلیې رياست د ښې همغږۍ، د شته ستونزو د لرې کولو او د کاري خنډونو له‌منځه وړلو په موخه د یاد ولایت د نورو ولسوالیو له مسؤولینو سره هم د همغږۍ ناستې جوړوي.