د پکتيا عدليې رئيس د څمکنۍ له ولسوال او نورو سيمهييزو مسؤولينو سره ولیدل
د پکتيا ولايت د عدليې رئيس مولوي فاتح الله فاتح او ورسره مل پلاوي د ذیالحجې د مياشتې په ۵مه نېټه د دوشنبې په ورځ، د څمکنۍ ولسوالۍ له ولسوال او د یادي ولسوالۍ يو شمېر نورو سيمهييزو مسؤولينو سره لېدنه وکړه.
په دې ليدنه کې د پکتيا ولايت عدلیې رئيس د معاملاتو لارښوونې دفترونو، اتحادیو، موټر پلورنځيو، خيريه بنسټونو او عريضهليکونکو اړوندو موضوعاتو په اړه خبرې وکړې او له مسؤولينو سره یې لازم معلومات شريک کړل.
د عدلیې رئيس او مل پلاوي د یادې ولسوالۍ له سیمهییزو مسؤولینو سره تر لېدنې وروسته، د دغې ولسوالۍ په کچه له اړوندو برخو څخه نظارت هم ترسره کړ. نوموړي له مسؤولينو سره په خبرو کې ټينګار وکړ چې د پخوانيو سټو پر ځای له نويو سټو ګټه پورته شي، د اسلامي امارت نافذه قوانين او اصول دې مراعات او ولس ته دې اغېزمن، شفاف او ښه خدمتونه وړاندې کړل شي.
همدارنګه، د عدليې رئيس د اړوندو برخو مسؤولينو او متصدیانو ته د چارو د لا ښه تنظيم په موخه لازمې توصیې وړاندې کړې.
