د پنجشیر ولایت په آبشار ولسوالۍ کې څه باندې د ۱۴ جریبه ځمکې تثبیت
د پنجشیر ولایت د ځمکو د غصب د مخنیوي د تخنیکي هیئت رئیس او غړو د ربیع الثاني د میاشتې په ۲۱ نېټې د یکشنبې په ورځ د پنجشیر ولایت آبشار ولسوالۍ ته سفر وکړ او څه باندې ۱۴ جریبه ځمکه یې په دغې ولسوالۍ کې تثبیت او تشخیص کړه.
په دغه سفر کې، تخنیکي هیئت د یادې ولسوالۍ له ولسوال او نورو سیمه ییزو مسؤلینو سره وکتل او د یادې ولسوالۍ سیمه ییزو مسؤلینو ته يې په مرکز کې د ځمکو د غصب د مخنیوي کمېسیون او په ولایتونو کې د تخنیکي هیئتونو د رامنځته کیدلو په اړه معلومات وړاندې کړل. دغه راز یاد هیئت د یادې ولسوالۍ سیمه ییزو مسؤلینو څخه له دغه هیئت سره د همکارۍ غوښتنه وکړه.
وروسته یاد هیئت د آبشار ولسوالۍ د سرلس تپې مدعی بها ساحې ته ولاړ او په دغې ساحې کې کابو ۱۰ جریبه او ۱۵ بسوې او ۷ بسواسې سپینه ځمکه او کابو ۳ جریبه او ۱۲ بسوې او ۵ بسواسې وقفي ځمکه تثبیت او سکیچ کړه.
