د پنجشیر ولایت د ځمکو د غصب د مخنیوي د تخنیکي هیئت د ناستې جوړیدل
د پنجشیر ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۱۸ نېټه د چهارشنبې په ورځ د هیئت د رئیس او غړو په حضور سره جوړه شوه او د یو شخص د ورثې د سندونو بررسۍ په برخه کې یو ټیم توظیف شو ترڅو د یادو شویو سندونو صحت او سقم په اړه څېړنې وکړي.
په دغې ناسته کې، پاراخ کلي کې د حج او اوقافو ریاست تر ادعا لاندې ځمکو په اړه پریکړه وشوه چې ذیدخل افراد راتلوکې ناستې ته وبلل شي. د ځمکو د غصب د مخنیوي مقررې څو مادې هم په دغې ناسته کې تر بحث لاندې ونیول شوې او هم غونډو کې د دغه هیئت د ټولو غړو پر حضور ټینګار وشو. تخنیکي هیئت ساحو ته د دغه هیئت د سفر په اړه هم لازم تصمیمونه ونیول.
