د پنجشیر ولایت د ځمکو د غصب د مخنیوي د تخنیکي هیئت د ناستې جوړیدل
د پنجشیر ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د شوال د میاشتې په ۵ نېټه د سه شنبې په ورځ د یاد هیئت د سرپرست او غړو په حضور سره جوړه شوه او په کې د هغې ساحې په اړه چې وړاندې د کرنې ریاست او د زندانونو ریاست لخوا د محبسونو د ودانیو له پاره تثبیت شوې او د سیمې اوسیدونکي یې د مالکیت ادعا لري، پریکړه وشوه چې هغوی ته استعلام ورکړل شي ترڅو خپل قانوني سندونه او مدارک هیئت ته وړاندې کړي.
دغه راز په یاده ناسته کې د یاد ولایت په عنابه ولسوالۍ کې د تخنیکي هیئت لخوا د هغې ساحې په اړه چې تثبیت او تشخیص شوې او یو شخص یې د مالکیت ادعا لري، پریکړه وشوه چې نوموړي ته استعلام ورکړل شي ترڅو خپل قانوني سندونه او مدارک یاد هیئت وړاندې کړي.
یاد شوي هیئت پریکړه وکړه چې د میرانشاه قلعې هغه افراد او اشخاص چې تر دې دمه یې استعلامونه تسلیم کړي نه دي؛ جلب شي او بل شخص ته چې د دغه ولایت په شتل ولسوالۍ کې یې د تیلو ټانک جوړ کړی، استعلام ورکړل شي.
دغه راز پریکړه وشوه چې تخنیکي ټیم د یاد ولایت د عنابه ولسوالۍ پاتې ساحې هم تثبیت او تشخیص کړي.
