د پروان ولایت د ځمکې د غصب د مخنیوي د تخنیکي هیئت ناسته جوړه شوه
د پروان ولایت د ځمکې د غصب د مخنیوي د تخنیکي هیئت ناسته د ربیع الثاني میاشت په ۲۴ نېټه د شنبې په ورځ د کرنې، اوبو لګولو او مالدارۍ رییس او ددغه هیئت رییس مولوي محمد رحیم نعماني په مشرۍ او ددغه هیئت د غړو په حضور کې د پروان ولایت د مستوفیت په مقر کې جوړه شوه.
په دغې ناسته کې، ښاغلي نعماني د موضوع په اړه خبرې وکړې او ددغه هیئت له غړو سره یې د پلان جوړولو او د دیاد هیئت د راتلونکو فعالیتونو په اړه بحث او د نظرونو تبادله وکړه.
په یاده ناسته کې پریکړه وشوه چې ددغه هیئت له ادرس څخه د ولایت مقام ته وړاندیز وشي چې د یوې ناستې په ترڅ کې په مرکز او ولسوالیو کې ټولو اړوندو ولسوالانو او مسوولینو ته ددغه هیئت او د هغو د مسوولیتونو په اړه پوهاوی ورکړل شي.
