د هېواد د عدليې وزیر په پروان ولایت کې د سیلاب له ټپیانو او د دې ناوړین له زیانونو څخه لیدنه وکړه

waheed
پنجشنبه ۱۳۹۹/۶/۶ - ۱۸:۱۸
.

د هېواد د عدليې وزیر جلالتمآب دکتور عبدالبصیر انور، د پروان ولایت له خلکو سره د همدردۍ د سرګندولو لپاره چې له وروستیو سیلابونو څخه زیانمن شوي دي، د پنجشنبې په ورځ دې ولایت ته سفر وکړ او د پروان له سیمه ییزو چارواکو او د دې پیښې له ټپیانو سره لیدنه وکړه.

د هېواد د عدليې وزیر د دې پیښې له ټپیانو سره په لیدنه کې، دغه بېروونکی طبیعي ناورین چې د پروان د خلکو د سلاوو تنو د شهادت او ټپي کیدو لامل شو خواشینوونکي وباله او د دې پیښې د شهیدانو لپاره جنت او د ټپیانو لپاره عاجله شفا وغوښتله.

.

د هېواد دعدليې وزیر د پروان د ملکي روغتون له مسؤلانو څخه وغوښتل چې د دې لړزوونکي ناورین د ټپيانو په درملنه کې له هیڅ ډول هڅې څخه لاس ترشا نشي.

همدا راز دکتور عبدالبصیر انور پروان ولایت ته په سفر کې د پروان له والي ډګر جنرال فضل الدین عیار سره لیدنه وکړه. د پروان والي د دې ناورین او له زیانونو څخه يې عدليې وزیر ته معلومات ورکړ او دعدليې وزیر له پاملرنې او خواخوږي څخه يې مننه وکړه.

.

همدا راز د هېواد د عدليې وزیر پروان ولایت ته په سفر کې د پروان د عدليې ریاست څخه لیدنه وکړه او د دې ریاست کړنې يې بررسي کړې. هغه د پروان د عدليې ریاست له رئیس او کارکوونکو سره په لیدنه کې د هغو ستونزو او د رسیدنې د ډول په تړاو يې خبرې اترې وکړې.

تازه خبرونه

پنجشنبه ۱۳۹۹/۸/۱ - ۱۷:۴
Background image

د 6 دولتي ادارو کارکوونکو لپاره  د تقنیني سندونو د تشریح برنامې دوه یم پړاو جوړ شو

د عدليې وزارت د ۶ وزارتونو او د دولتي ادارو د حقوقي برخو د کارکوونکو لپاره د تقنیني سندونو د تشریح زده کړه ییزې برنامې دوه یم پړاو جوړ کړ.

 دغه برنامه د روان کال د  تلې میاشتې په ۳۰ نې. . .

دوشنبه ۱۳۹۹/۷/۲۸ - ۱۰:۳۴
Background image

د عدليې وزارت سرپرست په کابل کې د امریکا د سفیر له مرستیال سره خبرې وکړې

د عدليې وزارت سرپرست قضاوتپوه فضل احمد معنوي په کابل کې د امریکا د سفیر له مرستیال ښاغلي مک کري، د دې سفارت له عدلي_قضايې اتشه او د امریکا د متحده ایالاتو د بین المللي  پرمختیا او له. . .

یکشنبه ۱۳۹۹/۷/۲۷ - ۱۰:۱۸
Background image

د دولتي ادارو کارکوونکو ته د تقنیني سندونو د تشریح برنامه پیل شوه

د عدليې وزارت د قانون جوړونې او د علمي- حقوقي څېړنو د چارو انستیتیوت د وزارتونو او د دولتي ادارو د حقوقي برخو د کارکوونکو لپاره د تقنیني سندونو تشریح زده کړه ییزه برنامه پیل کړه. او د. . .

BACK TO NEWS