د هرات ولایت د ځمکو له غصب څخه د مخنيوي تخنيکي هيئت غړو لپاره زده کړه ییزه برنامه جوړیدل
د هرات ولایت د ځمکو له غصب څخه د مخنيوي تخنیکي هيئت سکرتريت د یاد هیئت غړو لپاره د ځمکو له غصب څخه د مخنیوي او د غصب شویو ځمکو د استرداد قانون په هکله زده کړه ییزه برنامه جوړه کړه.
په دې برنامه کې چې د رجب المرجب د میاشتې په ۱۹ مه نېټه د دوشنبې په ورځ جوړه شوه، د تخنيکي هیئت غړو لپاره د ځمکو له غصب څخه د مخنيوي او د غصب شويو ځمکو د استرداد قانون، د ځمکو له غصب څخه د مخنيوي تخنيکي هیئتوتونو طرزالعمل، د ځمکو له غصب څخه د مخنيوي او د غصب شويو ځمکو د استرداد مرکزي کمېسيون د دندو د لایحې او صلاحيتونو او یو شمېر نورو اړينو موضوعاتو په اړه معلومات وړاندې شول.
همدارنګه، په دې برنامه کې د تخنيکي هيئت رئيس د کاري چارو پر چټکتيا او له اړوندو ادارو سره د همغږۍ پر پیاوړتیا ټینګار وکړ.
